Ti Departamento ti Suplay ti Danum ket binaliwanna ti Unsafe Water Advisory tapno maikkat ti Upper Kula Area 2A ken Lahaina Area1. Dagiti pasdek ken pagtaengan a pagserserbian ti danum iti Upper Kula Area 2A ken Lahaina Area 1ket naikeddeng a natalged para iti saan a nainget a pannakausar, epektibo inton Oktubre 6, 2023.Mabalin a sapulen dagiti kameng ti komunidad ti maysa nga adres babaen ti panangusar iti interaktibo a Water Advisory Map tapno mapasingkedan no ti adresda ket adda iti ruar wenno iti uneg ti advisory area.

Mabalin a nagsardeng ti danum iti uneg dagiti pagtaengan ken pasdek iti uneg ti Upper Kula Area 2A ken Lahaina Area 1 bayat nga epektibo ti advisory, ket isingasing ti Department of Water Supply a bugguan dagiti kustomer dagiti liniada tapno maikkat ti aniaman a nakatakder a danum kadagiti tubero ken tubo gapu iti saan a pannakausar ken sukatan dayta iti nasam-it a danum. Mabalin a ma-flush dagiti linia babaen ti pananglukat kadagiti balbula ken bay-an nga agtaray dagiti gripo iti di kumurang a 10 a minuto.

Dagiti lugar 2B agingga iti 5 ti Upper Kula ken kaaduan a lugar a naapektaran iti uram idiay Lahaina ket agtalinaed iti sidong ti Unsafe Water Advisory agingga iti kanayonan a pakaammo. Dagiti kustomer iti uneg ti advisory area ket rumbeng nga agtultuloy a SAAN nga uminum wenno agpaburek iti danum ti gripoda. Ti panangpaburek, panangyelo, panangsala, pananginayon iti chlorine wenno dadduma pay a disinfectant wenno panangipalubos iti danum nga agtakder ket saan a mamagbalin iti danum a natalged. Masapul a mausar ti naibotelia a danum wenno mainum a danum nga impaay ti County of Maui para iti inumen (agraman ti panagaramid iti pormula ti maladaga ken tubbog), panagsipilio iti ngipen, panagaramid iti yelo, ken panagsagana iti taraon. Mabalakadan met dagiti kustomer iti advisory area a limitaran ti panagusar iti danum iti gripo para iti hygiene purposes kas iti shower. Ti di panangsurot iti balakad ket mabalin nga agresulta iti sakit.

Naipaulog ti Unsafe Water Advisory idi Agosto 11, 2023, kas panagannad gapu iti di ammo nga epekto ti Uram iti kabakiran ti Maui idi Agosto 2023 iti sistema ti mainum a danum iti nasao a lugar. Idiay Makinngato a Kula ken Lahaina, dagiti estruktura iti sistema ti danum iti agpada a lugar ket nadadael gapu iti uram, ken napukaw ti presion ti dadduma a lugar iti sistema ti danum. Dagitoy a kasasaad ti mabalin a nakaigapuan ti iseserrek dagiti makadangran a kontaminado, agraman ti benzene ken dadduma pay a nalaka a madadael nga organiko a kemikal (VOC).

Nasinged ti pannakipagtrabaho ti Department of Water Supply iti Hawai’i State Department of Health ken US Environmental Protection Agency tapno makompleto ti imbestigasionna iti VOC, maisina ti sistema manipud kadagiti estruktura a nadadael gapu iti uram tapno masigurado ti bassit a potensial manipud iti aniaman a kontaminasion, ken mangisayangkat iti agtultuloy a panagala iti sample ken panangsubok iti kalidad ti danum kadagiti kangrunaan a punto iti intero a sistema. Ti desision a mangikkat iti Unsafe Water Advisory para iti Upper Kula Area 2A ken Lahaina Area 1 ket naibatay iti adu a linia ti ebidensia a naurnong babaen iti daytoy a proseso, a nangsuporta iti determinasion a dagiti kontaminado a mainaig iti uram ket saan nga apektaran ti serbisio kadagitoy a lugar.

Para iti ad-adu pay nga impormasion maipapan iti Unsafe Water Advisory, ti imbestigasion ti VOC ti Department of Water Supply, kasta met dagiti sungbat kadagiti masansan a maisaludsod, mapan iti mauirecovers.org/recovery/utilities.

..

# # # .

..