Ti Departamento ti Suplay ti Danum ket binaliwanna ti Unsafe Water Advisory para iti Lahaina tapno maikkat ti lugar nga L-4D. Dagiti pasdek ken pagtaengan a pagserserbian ti danum kadagiti lugar a naideklara a natalged ti L-4D para iti di nainget a pannakausar epektibo inton Enero 19, 2023. Mabalin nga agsapul dagiti kameng ti komunidad iti adres babaen ti panangusar iti interaktibo a Water Advisory Map iti www.mauirecovers.org/utilities tapno mapasingkedan no ti adresda ket adda iti ruar wenno iti uneg ti lugar a mamalbalakad.

Kitaen ti mapa iti naan-anay nga iskrin

Dagiti sanikua nga addaan iti berde a crosshatch iti mapa ti Water Advisory ket rumbeng a kitaenda iti management company-da wenno AOAO sakbay nga usarenda ti danum para iti inumen wenno panagluto.

Mabalin a nagtaktak ti danum iti tubero dagiti pagtaengan ken pasdek iti uneg dagiti lugar nga L-4D, bayat nga epektibo dagiti balakad, ket isingasing ti Department of Water Supply a bugguan dagiti kustomer dagiti liniada tapno maikkat ti aniaman a nakatakder a danum kadagiti tubero ken tubo gapu iti saan a pannakausar ken sukatan iti nasam-it a danum. Mabalin a ma-flush dagiti linia babaen ti pananglukat kadagiti balbula ken bay-an nga agtaray dagiti gripo iti di kumurang a 10 a minuto.

Agtalinaed dagiti lugar a L-4A, ken L-4E agingga iti L-6A ti lugar a naapektaran iti uram idiay Lahaina iti sidong ti Unsafe Water Advisory agingga iti kanayonan a pakaammo. Dagiti kustomer iti uneg ti advisory area ket rumbeng nga agtultuloy a SAAN nga uminum wenno agpaburek iti danum ti gripoda. Ti panangpaburek, panangyelo, panangsala, pananginayon iti chlorine wenno dadduma pay a disinfectant wenno panangipalubos iti danum nga agtakder ket saan a mamagbalin iti danum a natalged. Masapul nga usaren ti naibotelia a danum wenno mainum a danum nga impaay ti County of Maui para iti inumen (agraman ti panagaramid iti pormula ti maladaga ken tubbog), panagsipilio iti ngipen, panagaramid iti yelo, ken panagsagana iti taraon. Mabalakadan met dagiti kustomer iti advisory area a limitaran ti panagusar iti danum para iti hygiene purposes kas iti shower. Ti di panangsurot iti balakad ket mabalin nga agresulta iti sakit.

Naipaulog ti Unsafe Water Advisory idi Agosto 11, 2023, kas panagannad gapu iti di ammo nga epekto ti Agosto 2023 nga uram iti kabakiran ti Maui iti sistema ti mainum a danum iti nasao a lugar. Idiay Makinngato a Kula ken Lahaina, dagiti estruktura iti sistema ti danum iti agpada a lugar ket nadadael gapu iti uram, ken dadduma a lugar iti sistema ti nakapadas iti pannakapukaw ti presion ti danum. Mabalin a dagitoy a kasasaad ti nakaigapuan ti iseserrek dagiti makadangran a kontaminado iti sistema ti danum.

Ti Departamento ti Suplay ti Danum ket nakipagtrabaho a nasinged iti Hawai`i State Department of Health ken US Environmental Protection Agency tapno makompleto ti imbestigasionna iti Volatile Organic Compound (VOC), mangisina ti sistema manipud kadagiti estruktura a nadadael gapu iti uram tapno masigurado ti bassit a potensial manipud iti aniaman a kontaminasion, ken mangisayangkat iti agtultuloy a panagala ti sample ti kalidad ti danum ken panagsubok kadagiti kangrunaan a punto iti intero a sistema. Ti desision a mangbalbaliw iti Unsafe Water Advisory para iti Lahaina ket naibatay iti adu a linia ti ebidensia a naurnong babaen iti daytoy a proseso.

Para iti ad-adu pay nga impormasion, bisitaen ti www.mauirecovers.org/utilities .