Mangrugi inton Mierkoles, Okt. 30, maangay ti Disaster Recovery Community Update Meetings ti County of Maui iti baro a lokasion iti kapeteria iti Lahaina Intermediate School. Masarakan ti pagadalan iti 871 Lahainaluna Road; ti kapeteria ket makai ti kangrunaan a paradaan.

Ti immun-una a lokasion, ti Lahaina Civic Center, ket saan a magun-od para kadagiti sumaganad a sumagmamano a bulan gapu kadagiti naiplano a pannakapabaro, dagiti aktibidad ti eleksion ken dagiti immun-una a naipalubos a pasamak.

Maangay ti sumaruno a Community Update Meeting iti alas 5:30 ti malem inton Mierkoles, Okt. 30 ken iramanna dagiti sumaganad a topiko:

• Maysa a report ti kasasaad manipud iti Departamento ti Panagmanehar ti Aglawlaw ti Kondado ti Maui iti temporario a lugar a pagibellengan kadagiti rugit (TDS);
• Dagiti update manipud kadagiti pannakabagi ti FEMA kadagiti magun-odan a programa ti ahensia;
• Maysa a presentasion ti Small Business Administration (SBA) maipapan kadagiti programa a magun-od ken umas-asideg a deadline ti aplikasion; ken
• Impormasion manipud iti Hawaii Community Lending no kasano nga agaplikar dagiti homeowners tapno makaawatda iti lot survey nga awan ti bayadna.
  

Mai-livestream ti miting iti Facebook page ti County of Maui; awan ti account a kasapulan tapno makita. Maipabuya met ti live broadcast ti miting iti Akakū: Maui Community Media, Channel 53.

Maiparparegta kadagiti naapektaran nga umili ken agtagikua iti pagtaengan nga agpirma kadagiti pakaammo iti email ken text iti www.mauirecovers.org/sign-up .

Para iti ad-adu pay nga impormasion kadagiti pasamak ti panagimbag, bisitaen ti https://www.mauirecovers.org/events