Maawis ti publiko a tumabuno iti 2025 State of the County Address, nga idatag ni Mayor Richard T. Bissen, Jr. manipud alas singko agingga alas siete ti malem ti Biernes, Marso 7, idiay Castle Theatre ti Maui Arts and Cultural Center. Lumakad dagiti ruangan iti alas kuatro ti malem

Itampok ni Mayor Bissen ti sungbat ken panagregget ti Maui County iti panagsubli kalpasan ti uram iti kabakiran idi 2023 ken ibinglayna dagiti plano nga agtultuloy a mangtaming kadagiti kritikal a kasapulan iti balay, panagsubli ti ekonomia, ken pannakaibangon manen ti ili ti Lahaina.

Dagiti prioridadna iti 2025 ket maipamaysa kadagiti:

• Panangipamaysa kadagiti gannuat ken solusion ti Kamaʻāina Housing tapno agtalinaed dagiti lokal nga umili kadagiti komunidadda.
• Panangparang-ay kadagiti panagregget iti panagimbag ken pagimbagan tapno matulongan ti Maui nga umimbag, mangbangon manen ken umabante.
• Panangsalaknib kadagiti kultural ken natural a gameng tapno mataginayon ti tawid ti isla para kadagiti masanguanan a kaputotan.

Libre ti iseserrek ken paradaan. Ti pasamak ket maibrodkas a sibibiag iti AKAKŪ Maui Community Media Channel 53, mai-livestream iti Facebook page ti County of Maui ken magun-od kalpasan ti pasamak iti www.mauicounty.gov , www.youtube.com/@countyofmaui ken www.Akaku.org .

Makiddaw ti RSVP ngem saan a kasapulan para kadagiti in-person attendees.

Masarakan ti Sentro ti Arte ken Kultura ti Maui iti 1 Cameron Way, Kahului. Para iti ad-adu pay nga impormasion, tawagan ti County of Maui Office of the Mayor iti (808) 270-7855.