Maragsakan ti County of Maui a mangipakaammo nga opisial a malukatan manen ti Lahainaluna Road para iti saan a nainget a panagserrek ti publiko iti alas 6 ti bigat. idi Biernes, Nob. 8, 2024.

Daytoy ket mangmarka ti maysa a napateg a milestone iti proseso ti panagsubli, gapu ta ti Federal Emergency Management Agency (FEMA) ken ti US Army Corps of Engineers (USACE) ket sibaballigi a nakompletoda amin nga aktibidad ti panangikkat kadagiti rugit iti lugar a nanglikmut iti Lahainaluna Road ken ti Pioneer Mill Smokestack. Kalpasan ti nainget a panangsubok iti inhenieria ti estruktura, naideklara a natalged iti estruktura ti smokestack, a mangipasigurado iti agtultuloy a kinatalged ti publiko.

Idi Okt. 3, 2024, gapu iti nawadwad a panagannad, naipasdek ti 150-foot a fall zone iti amin a direksion a nanglikmut iti Pioneer Mill Smokestack bayat nga agtultuloy dagiti structural evaluations. Daytoy a pamay-an ti kinatalged ti nangiturong iti pannakabarikada dagiti paset ti Lahainaluna Road ken Mill Street, a nanglapped iti iseserrek kadagita a punto. Nayakar met ti security checkpoint iti kalsada ti Lahainaluna ken Kuhua tapno mamonitor ti fall zone ken mapasayaat ti iseserrek no kasapulan ti panagbakwit. Iti pannakaileppas ti structural review ken maibilang a natalged ti smokestack, maikkat dagitoy a security checkpoint ken dagiti nainaig a barikada inton alas 6 ti bigat inton Biernes, Nobiembre 8.

Mainayon pay, ti Kondado ket nalpasen ti panag-resurfacing ken panagsukat ti karatula a trabaho iti Lahainaluna Road. Iti maudi a paset ti pannakapasayaat ti imprastruktura a nalpasen ita, amin a panagserra ti kalsada ken barikada, agraman dagidiay mauka ti Honoapiilani Highway ken Kuhua Street, ket maituding manen tapno maipalubos ti naannayas a panagayus ti trapiko.

“Maragsakankami a mangipakaammo iti komunidad a nagun-od dagitoy a kritikal a recovery milestones,” kinuna ni Mayor Richard Bissen. “Gapu ta nalpasen ti debris operations iti lugar ken naan-anay a madanon ti Lahainaluna Road, maysa nga addang nga as-asidegtayo nga agsubli iti normal. Mahalo kadagiti empleadomi iti Public Works gapu iti kinagagetda a mangisayangkat kadagiti panagadal iti inhenieria tapno masigurado ti kinatalged ti komunidad.”

Paregtaen ti Kondado dagiti amin a tsuper ken magmagna nga agtalinaed nga agannad, ta mabalin a kasapulan ti panawen tapno makibagayda kadagiti kasasaad ti kalsada, ken mabalin nga agbaliw dagiti padron ti trapiko kadagiti sumaganad nga aldaw.

Para iti ad-adu pay nga impormasion, bisitaen ti www.mauirecovers.org .