Inpakaammo ita nga aldaw ti Lahaina Homeowner Recovery Program nga itukonda dagiti no-cost lot surveys para kadagiti Lahaina homeowners a nagnaed iti pagtaenganda sakbay ti Agosto 8, 2023, uram iti kabakiran ti Maui. Naited ti pondo para kadagiti surbey ti lote babaen ti $3-milion a grant iti Hawaiʻi Community Lending (HCL) manipud iti Maui Strong Fund ti Hawaiʻi Community Foundation (HCF).

Segun iti HCL, ti organisasion a responsable iti panangtarawidwid iti programa, 781 a homeowners ti agnanaed iti pagtaenganda sakbay ti uram. Dandani amin dagitoy ket kasapulanda ti surbey tapno maikeddeng dagiti linia ti sanikua a maibangon manen wenno mailako.  

“Adu unay dagiti upfront costs a kasapulan dagiti homeowners-tayo a Lahaina tapno laeng mangrugida iti panagibangon,” kinuna ni Maria Linz, HCL program manager ken residente ti Lahaina. “Iti kabassitan, kasapulanda dagiti surbey, plano ken permit, a mabalin a makagasto iti tunggal pamilia iti pinullo a ribu a doliar. Adu nga agtagikua iti pagtaengan ti kurang ti nakaseguro ken awan ti umdas a pondoda a mangbangon manen, uray pay ti makabael kadagiti nasakbay a gastos a kasapulan tapno makaruar iti ruangan.”  

Nabiit pay a naiyam-ammo ti HCL iti maysa a pamilia a nagbayad iti $5,600 para iti surbey; kaskasdi a saan a nakasagana ti lote. Gapu ta naguyod dagiti pin tapno maileppas ti trabaho iti sanikua a naikeddeng pay laeng, masapul itan a makagun-od ti pamilia iti baro a surbey. Imbag laengen ta gapu iti suporta a magun-odan manipud iti HCF ken ti Lahaina Homeowner Recovery Program, saandan a kasapulan a bayadan dayta. Gapu ta addan daytoy baro a pondo, makaurnong dagiti makinkukua iti pagtaengan a Lahaina iti napattapatta a $4.5 milion a gastos iti surbey ti lote.  

“Ti panggepmi ket siguraduen nga amin a kualipikado nga agtagikua iti pagtaengan ket makastrek iti daytoy a resource a saan a kasapulan a madanagan maipapan iti gastos,” kinuna ni Linz. “Paregtaenmi amin nga agtagikua iti pagtaengan a Lahaina nga agnanaed idi kadagiti pagtaenganda sakbay ti uram nga agpalista iti Lahaina Homeowner Recovery Program, ken paregtaenmi dagiti kaarrubayo nga agpalista met!”

Kastoy ti pananggun-od iti libre a surbey ti lote:
1) Agpalista iti Lahaina Homeowner Recovery Program iti https://hawaiicommunitylending.com/mauirelief/ .  

2) Paregtaem dagiti kaarrubam nga agpalista iti Lahaina Homeowner Recovery Program! Di kumurang a siam pay a kaarruba ti masapul nga agaplikar sakbay a maaramid ti surbey.

Tapno agtalinaed a nababa ti gastos ken episiente a makompleto dagiti surbey, makikontrata ti HCL kadagiti land surveyors tapno mangaramid iti komprehensibo a surbey iti 8-10 a semi-contiguous properties iti maminsan. Apaman nga agaplayka, maikabilka iti waitlist agingga nga umdas met dagiti homeowners a manglikmut iti sanikua nga agpalista.  

Kas nayon nga insentibo, para iti tunggal agtagikua iti pagtaengan a mangilista kenka kas referral-da, makaawatka iti $100 a Foodland wenno Safeway gift cards (bayat nga agpaut dagiti suplay). Masapul nga agpalistaka iti Lahaina Homeowner Recovery Program tapno kualipikadoka kadagiti gift card.

“Daytoy ket naindaklan a damag para kadagiti agtagikua iti pagtaengan a Lahaina, ken mahalokami iti Maui Strong Fund ti Hawaiʻi Community Foundation gapu iti panangbigbigda iti daytoy a nainget a kasapulan,” kinuna ni HCL Executive Director Jeff Gilbreath. “Nasken a lumasat dagiti makinkukua iti pagtaengan iti proseso ti panagibangon manen iti umiso nga urnos, ta no saan, mabalin a mapukawda ti rinibu a doliar, panawen ken pigsa. Ti makaepekto unay nga addang a masapul nga aramiden dagiti makinkukua iti pagtaengan ita ket ti panangaramid iti komprehensibo a surbey ti lote, ket saklawen daytoy a programa dayta a kasapulan.”

Maipapan iti Hawai'i Community Foundation: Ti sirmata ti Hawai'i Community Foundation (HCF) ket mangparnuay iti patas ken nabiag a Hawai'i a pagrang-ayan amin a komunidadtayo iti Isla. Babaen ti nasurok a 107 a tawen a pakasaritaanmi, mapagtalkan nga ekspertisiomi, ken ti naparabur a suporta dagiti donasion, agtartrabahokami a mangtaming kadagiti ramut dagiti karirigatan a karit ti estadomi, agraman ti panangpalawa iti pannakagun-od iti makabael a balay, panangpreserba kadagiti rekurso ti nasam-it a danum, ken panangsigurado iti nasalun-at a panagdur-as dagiti babassit nga ubbing ti Hawaiʻi. Agtartrabaho ti HCF kadagiti komunidad iti intero a Hawaiʻi, nga addaan kadagiti opisina ken tauhan a mabirukan iti intero nga estado. Para iti ad-adu pay nga impormasion maipapan iti HCF, pangngaasiyo ta bisitaenyo ti hawaiicommunityfoundation.org ken suroten dagiti social media channels-tayo iti Facebook, Instagram, LinkedIn ken YouTube.

Maipapan iti Hawaiʻi Community Lending: Ti HCL ket maysa a US Treasury-certified native community development financial institution (CDFI), nga espesialisado iti panangipaay kadagiti pautang para kadagiti gumatang iti pagtaengan, homebuilders ken homeowners, agraman ti teknikal a tulong ken grant tapno malapdan ti pannakailako ken pannakapapanaw. Ti HCL ti kangrunaan a nonprofit mortgage lender ti Hawai’i, a tumultulong kadagiti lokal ken Hawaiian a pamilia a mangiturong iti dalan nga agturong iti panagtagikua iti pagtaengan.