Kas iti dati a naipakaammo, maisardeng ti linawas a Lahaina Disaster Recovery Community Meetings ti County of Maui bayat ti bakasion. Ti sumaruno nga in-person meeting ket naikeddeng inton Mierkoles, Enero 8, 2025, iti kapeteria ti Lahaina Intermediate School.

Enero ti pangrugian ti panagbalbaliw iti dua a miting iti kada bulan – maysa iti personal ken maysa iti online.

Agtultuloyto a mangipaay dagiti miting kadagiti update kadagiti plano ti Kondado a mangbangon manen iti Ili ti Lahaina ken dagiti planona para iti napaut a panagsubli, agraman ti gundaway para kadagiti umili nga agsaludsod.

Maipakaammo dagiti detalye iti mamindua iti makabulan nga iskediul ti miting, ti online meeting platform ken dadduma pay nga update iti sumaruno nga in-person meeting inton Enero 8.

Para iti ad-adu pay nga impormasion ken tapno makita dagiti napalabas a miting ti komunidad, bisitaen ti www.mauirecovers.org ken i-click ti “Events” tab.