Maiparparegta kadagiti umili a tumabuno iti binulan a Lahaina Community Webinar ti County of Maui Office of Recovery inton Mierkoles, Pebrero 19, 2025, iti alas 5:30 ti malem

Pagsasaritaan dagiti opisial dagiti topiko a mainaig kadagiti panagregget a mangbangon manen iti Lahaina, agraman dagiti presentasion maipapan kadagiti nabiit pay a naipakaammo a permitting exemptions para iti Special Management Area (SMA), umay a miting publiko para iti Community Development Block Grant Disaster Recovery (CDBG-DR) Action Plan ken ti pannakayakar dagiti rugit manipud iti Temporary Debris Storage site idiay Olowalu iti permanente a lugar iti Central Maui Landfill.

Karaman pay iti webinar ti Q&A session a kadua dagiti presenter ken panelist a mangibagi kadagiti nadumaduma a departamento ken ahensia, a pakairamanan ti County’s Office of Recovery, Department of Public Works (4Leaf), Department of Water Supply, Department of Environmental Management, ken Department of Planning; Pederal nga Ahensia ti Panagmanehar ti Emerhensia; Kuerpo dagiti Inheniero ti Buyot ti E.U.; ti Departamento ti Salun-at ti estado; ken Hawaiian Electric Co. Maawat dagiti nasakbay a naisubmitir a saludsod agingga iti Lunes, Pebrero 17; nupay kasta, dagiti tumabuno ket mabalinda met ti mangisubmitir kadagiti saludsod bayat ti webinar.

Masapul ti panagrehistro para iti webinar. Tapno makapagrehistro ken mangisubmitir kadagiti saludsod sakbay ti miting, bisitaen ti www.MauiRecovers.org/events . Maipabuya met ti live broadcast ti webinar iti Akakū: Maui Community Media, Channel 53. Mainayon pay, magun-od ti recording ti webinar iti www.MauiRecovers.org iti sumaganad nga aldaw.

Ti sumaruno nga in-person Lahaina Community Meeting ket naikeddeng para iti Mierkoles, Marso 5, iti kapeteria ti Lahaina Intermediate School.