Maiparparegta kadagiti umili a tumabuno iti binulan a Lahaina Community Webinar ti County of Maui Office of Recovery inton sumaruno a Mierkoles, Enero 22, 2025, iti alas 5:30 ti malem

Gapu iti baro nga eskediul ti miting a mamindua iti kada bulan, awan ti miting ita a rabii, Enero 15, 2025.

Kas iti dati a naipakaammo, mamindua iti makabulan a maangay dagiti miting ti komunidad mangrugi iti Enero, maysa ti in-person ken maysa iti online. Ti sumaruno nga in-person meeting ket naikeddeng iti alas 5:30 ti malem ti Mierkoles, Pebrero 5, iti kapeteria ti Lahaina Intermediate School.

Bayat ti Enero 22 a Lahaina Community Webinar, pagsasaritaan dagiti opisial dagiti topiko a mainaig kadagiti panagregget a mangbangon manen iti Lahaina, agraman dagiti presentasion maipapan iti Temporary Disposal Site (TDS) Environmental Monitoring 4th Quarterly Report, dagiti pannakapabaro ti imburnal ken pannakapabaro kadagiti pondo ti Community Development Block Grant Disaster Recovery (CDBG-DR) .

Karaman pay iti webinar ti saludsod-ken-sungbat a sesion a kadua dagiti presenter ken panelist a mangibagi kadagiti nadumaduma a departamento ken ahensia, a pakairamanan ti County’s Office of Recovery, Department of Public Works (4Leaf), Department of Water Supply, Department of Environmental Management ken Department of Planning; Pederal nga Ahensia ti Panagmanehar ti Emerhensia; Kuerpo dagiti Inheniero ti Buyot ti E.U.; ken Hawaiian Electric.

Maawat dagiti pre-submitted questions agingga iti Domingo, Enero 19, ken dagiti tumabuno ket mabalinda met ti mangisubmitir kadagiti saludsod bayat ti webinar.

Masapul ti panagrehistro para iti webinar; tapno agparehistro ken mangisubmitir kadagiti saludsod sakbay ti miting, bisitaen ti https://www.mauirecovers.org/events .

Maipabuya met ti live broadcast ti webinar iti Akakū: Maui Community Media, Channel 53. Mainayon pay, magun-od ti recording ti webinar iti www.MauiRecovers.org iti sumaganad nga aldaw.