Ti pannakalukat manen ket simmaruno iti dakkel a pannakadalus dagiti rugit ken dapo manipud iti pasilidad ti County of Maui, agraman ti walo a lane, 50-metro por 25-yarda a competition pool-na.

Bayat a ti sentro iti 245 Shaw St. ket saan a nadadael ti estruktura iti uram, masarakan daytoy iti uneg ti Lahaina Impact Zone ken awan ti koriente ken danum iti adu a bulan. Bayat a naserraan ti pasilidad iti publiko, dagiti empleado ti County Department of Parks and Recreation ket sinukimatda dagiti alikamen tapno masigurado a natalged ken mapaandar, sinubokda ti kalidad ti danum iti pool ken nangikabilda iti baro a sistema ti chlorine.

Sigun iti nonprofit a Red Lightning, a nangkoordinar iti dakkel a panagregget a mangdalus, dandani 100 a boluntario ti nangipaay iti nasurok a 800 nga oras a panagtrabaho ken dadduma nga organisasion ti nangipaay iti suporta iti trabaho, agraman ti panangdalus iti naurnong a dapo manipud iti pool ken panangpinta manen.

“Apresiarenmi ti tulong ti adu nga ima iti panangtulong kadakami a manglukat manen iti daytoy napateg a pasilidad para iti komunidadmi iti West Maui,” kinuna ti Department of Parks and Recreation Deputy Director a ni Shane Dudoit. “Daytoy a pool ket napateg a paset ti inaldaw nga aktibidad ti nakaad-adu nga umilitayo iti amin nga edad.”

Ti pannakalukat manen ti Honoapiʻilani Highway idi Agosto 1, 2024, ket nangited ti panagserrek ti kalsada iti pool.