Mabalin nga ibelleng dagiti residente ti West Maui dagiti recyclable bulky items iti Go Green Recycling event manipud alas 9 ti bigat agingga alas 1 ti malem Sabado, Dis. 14, 2024, idiay Lahaina Civic Center.

Masapul dagiti appointment para iti event nga indauluan ti nonprofit a Mālama Maui Nui a makitinnulong iti opisina ti County of Maui Department of Environmental Management (DEM) Abandoned Vehicles and Metals.

Ti programa ket palubosanna dagiti umili a mangibelleng kadagiti sumaganad a ma-recycle nga awan bayadna: air conditioner, bateria (lead acid laeng), washer, dryer, dishwasher, microwave, refrigerator, stove, goma, water heater, scrap metal ken electronics (telebision, printer, computer, monitor ken dagiti nainaig a kuerdas ti koriente).

Saan a maawat dagiti komersial a drop-off.

Tapno agkiddaw iti appointment, bisitaen ti https://www.malamamauinui.org/gogreen.html .
..
Para iti ad-adu pay nga impormasion maipapan kadagiti masanguanan a pasamak ti Go Green Recycling, lokasion, direksion, maawat a ma-recycle, appointment ken gundaway a panagboluntario, tawagan ti Mālama Maui Nui iti (808) 877-2524 wenno ti opisina ti County DEM Abandoned Vehicles and Metals iti (808) 270-6102.