Iti umuna a gundaway, 29 a lote iti Fleming Road idiay Lahaina ti maaddaan iti gundaway a makastrek iti serbisio ti imburnal ti County of Maui, ken ti County Department of Environmental Management (DEM) Wastewater Reclamation Division ti mangibalabala iti dalan para kadagiti makinkukua iti sanikua a makakonekta iti serbisio.

Ti koneksion ti linia ti imburnal ti Kondado ket naaramid a posible babaen ti pederal nga emerhensia a proyekto ti imburnal a paset ti Kilohana Temporary Group Housing site. Ti US Army Corps of Engineers (USACE) ken dagiti kontraktorna ket mangrugin ti panagbangon ti linya ti imburnal iti uneg ti Fleming Road ken Malo Street ita a bulan, ken manamnama a maileppas inton Disiembre 2024.

Dagiti makinkukua iti sanikua ti Fleming Road, a dati nga adda iti cesspool wenno septic systems, ket makakonekta iti serbisio ti imburnal ti County babaen ti pananggun-od kadagiti umno a permiso manipud iti Department of Public Works Development Services Administration (DSA) ti County.

Gapu kadagiti restriksion iti panagtrabaho iti pribado a sanikua, mangikabil ti USACE iti sewer lateral iti right of way iti uneg ti 2 a kadapan manipud iti front lot line ti makinkukua iti sanikua nga addaan iti clean-out iti rabaw. Masapul nga iyakar dagiti makinkukua ti kontraktorda iti plumbing daytoy a clean-out tapno adda iti sanikua iti uneg ti 2 a kadapan manipud iti linia ti sanikua.

No problemado ti pannakaiyakar ti clean-out iti maysa a sanikua, kontaken ti Wastewater Reclamation Division ti DEM iti (808) 270-7417 tapno makagun-od iti pammalubos para iti maudi a lokasion.  

Mainayon pay, rumbeng a mabalakadan dagiti makinkukua iti sanikua a kasapulanda a siuumiso a baybay-an ti septic system wenno cesspool-da tapno mapnek ti Departamento ti Salun-at ti estado.

Para iti tulong a mang-navigate iti naurnos a proseso ti emerhensia a panangipalubos, bisitaen ti County’s Recovery Permit Center manipud alas 8 ti bigat agingga iti alas 4 ti malem Lunes agingga iti Biernes iti County of Maui Service Center, 110 Alaihi St., Suite 207, Kahului, a sadiay dagiti pannakabagi manipud iti kontraktor ti County a 4LEAF Inc. ket adda tapno sungbatanda dagiti saludsod. Mabalin met a madanon ti Recovery Permit Center babaen ti panagtawag iti (808) 270-5724 wenno panagbisita iti https://mapps.mauicounty.gov/DSA-DRBP .  

Ni Mayor Richard Bissen, Gov. Josh Green, Federal Emergency Management Agency Region 9 Administrator Bob Fenton ken USACE Recovery Field Office Commander Col. Eric Swenson, agraman dagiti kontraktor, ket timmabuno iti bendision idi Agosto 9, 2024, idiay Wahikuli Park, a nangtanda iti panangrugi ti kritikal a pannakaipasdek ti linya ti imburnal iti Kilohana Temporary Group Housing site idiay Lahaina.

Daytoy nga emerhensia a proyekto ti imburnal ket saan laeng a mangipaay ti kasapulan unay a temporario a pagkamangan para kadagiti nakalasat kadagiti uram ti kabakiran ti Maui idi Agosto 2023 ngem mangipalubos pay ti serbisio ti imburnal ti Kondado para kadagiti 29 a naapektaran a lote iti igid ti Fleming Road a dati nga awan ti akses iti serbisio, iti kamaudiananna ket mangkissay ti bilang dagiti cesspool idiay Lahaina.

..

..