Iti kiddaw ti estado ti Hawaiʻi, inaprobaran ti Federal Emergency Management Agency (FEMA) ti maysa a tawen a pannakapalawa ti Individuals and Households Program (IHP), agraman ti Financial Assistance ken Direct Temporary Housing Assistance para kadagiti nakalasat iti uram iti kabakiran ti Maui.

Ti 18-bulan nga umuna a panawen ti tulong para iti FEMA IHP ket naikeddeng nga agpatingga iti Pebrero 10, 2025 ngem napaatiddog itan agingga iti Pebrero 10, 2026 .

Iti sidong ti Robert T. Stafford Disaster Relief and Emergency Assistance Act, mabalin a palawaen ti FEMA ti panawen ti tulong gapu kadagiti naisangsangayan a kasasaad. Dagiti uram iti kabakiran idi napan a tawen ket nangpataud iti awan kapadana a pannakadadael ti Lahaina ken nakaapektar iti adu a sangakabbalayan, negosio, komunidad ken imprastruktura iti Maui.

Nasinged ti pannakipagtrabaho ti FEMA iti estado ti Hawai'i, lokal nga opisial ken boluntario tapno matulongan dagiti nakalasat iti temporario a balay a makasarak iti permanente a solusion. Mangipaay met dagiti disaster case managers iti personalized assistance.

Inaprobaran ti FEMA ti Direct Lease kas maysa a porma ti Direct Temporary Housing Assistance idi Setiembre 2023 ken iti agdama ket addaan iti 1,194 a sangakabbalayan nga agnanaed kadagiti yunit nga inted ti FEMA.

Bayat ti napaut a panawen, dagiti nakalasat nga agtultuloy nga agnanaed iti temporario a yunit ti balay nga impaay ti FEMA ket sapasap a manamnama nga agtrabaho iti permanente a planoda a balay ken mangrugi nga agbayad iti abang, depende iti pinansial nga abilidadda. Ti gatad ti abang ket maibatay koma iti US Department of Housing and Urban Development (HUD) Fair Market Rent.

Mangipatulod ti FEMA kadagiti agnanaed iti nasakbay a pakaammo maipapan iti kasapulan nga abang.

Dagiti agnanaed a mangipaay iti dokumentasion ti kitada kalpasan ti didigra a makasangpet wenno adda iti baba ti limitasion ti nababa unay a matgedan ti HUD ket kualipikado para iti naan-anay a nababa nga abang a $50 iti kada bulan a di kasapulan ti agapelar ken mangisubmitir iti dokumentasion dagiti gastos iti balay sakbay wenno kalpasan ti didigra.

Dagiti agnanaed nga addaan iti matgedan ti sangakabbalayan iti ngato ti nababa unay a limitasion ti matgedan ti HUD ket masapul laeng nga mangipaay iti dokumentasion dagiti gastos iti balay kalpasan ti didigra para iti FEMA tapno matingiting ti gatad ti abang a masingir a naibatay iti pinansial nga abilidadda.

Mangisayangkat ti FEMA iti outreach tapno matulongan dagiti agnanaed kadagiti temporary housing units kadagiti dokumentasion a kasapulan tapno matingiting ti kabaelanda nga agbayad. Nadisenio daytoy a panagregget tapno maksayan ti panagkasapulan dagiti agnanaed nga agapelar iti gatad ti abang nga inkeddeng ti FEMA.

Para iti ad-adu pay nga impormasion maipapan iti temporario a balay, tawagan ti Individual Assistance Housing Hotline iti 808-784-1600 . Wenno kontaken ti 2-1-1 tapno makadanon iti programa a panangtarawidwid iti kaso ti didigra.

Mabalinmo pay nga awagan ti FEMA Helpline iti 800-621-3362. Matulongannaka dagiti operator ti helpline iti adu a pagsasao. No agus-usar ka iti relay service kas iti Video Relay Service, captioned telephone service wenno dadduma pay, itedmo iti FEMA ti numerom para iti dayta a serbisio inton agaplikarka.

Mabalinmo ti makagun-od iti tulong a personal iti:
Lahaina Gateway (iti abay ti Ace Hardware) .
Opisina ti Panagsubli ti Kondado ti Maui - Laud a Maui
8 ti bigat - 4:30 ti malem

Opisina ti CNHA (asideg ti Maui Mall) .
Sentro ti Serbisio ti Relief & Tulong ti Kākoʻo
153 E. Kamehameha Ave. Suite 101

Kahului, H. I. 96732
9 ti bigat - 5 ti malem

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema . Mabalinmo pay ti makagun-od iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires .