No nakalasatka iti uram iti kabakiran ken addaanka iti polisia ti seguro a mangsaklaw iti temporario a balaymo, napateg a paneknekam dagiti kondision dayta a masakupan, ti gatad, ken no kasano kabayag dayta. No maibus ti saklawen ti segurom, kontaken ti FEMA tapno makitam no kasano a mabalin a kualipikadoka para iti kanayonan a tulong.

Uray no epektibo pay laeng ti insurance-yo, maparegtakayo a mangammo iti ad-adu pay maipapan kadagiti magun-odan a programa ti FEMA.

Dagiti pagpilian ti FEMA ket mairaman ti:

• Ti Rental Assistance Program , a mabalin a mangitukon iti pinansial a tulong nga agturong iti panagbayad iti abangmo apaman a naibus ti insurance para iti kanayonan a gastos iti panagbiag wenno pannakapukaw ti pannakausar.
• Ti Direct Temporary Housing Assistance Program ket mangipaay ti interim housing iti intero a Maui babaen ti programa a Direct Lease.

Dagitoy a programa – paset ti Individuals and Households Program ti FEMA -- ket napaatiddog agingga iti Pebrero 10, 2026, a mangted kadagiti nakalasat iti uram iti kabakiran iti ad-adu a panawen tapno makabangon. Naituding nga agpatingga dagiti programa inton Pebrero 10, 2025.

Bayat ti napaatiddog a panawen, manamnama a mangrugin nga agbayad iti abang dagiti Direct Lease temporary housing occupants maibatay iti pinansial nga abilidadda. Maikeddeng ti gatad iti kaso-por-kaso ngem saan a lumbes iti 100 a porsiento iti Fair Market Rent ti US Department of Housing and Urban Development (HUD).

Dagiti agtagikua iti pagtaengan nga addaan iti insurance a temporario a mangsaklaw kadagiti gastos iti panagbiag ket mabalin pay laeng a makipaset iti programa ti FEMA iti Rental Assistance ken programa ti Direct Temporary Housing Assistance. Dadduma ti agdama nga adda kadagiti Direct Lease housing units. Tapno mairugi ti proseso para iti Rental Assistance Program, masapul nga umuna nga agapelar dagiti aplikante iti FEMA. Masapul a karaman iti apela ti panid ti polisia ti seguro a mangidetalye iti kanayonan a sakup ti gastos iti panagbiag/pannakapukaw ti pannakausar, pammaneknek ti pannakaibus dagiti pondo ti seguro, ti agdama a katulagan ti panagpaabang wenno panagabang, ken dagiti resibo ti panagabang.

No maaprobaran, ti umuna a Rental Assistance ket mangipaay iti dua a bulan nga abang iti 100 a porsiento iti Fair Market Rent ti HUD para iti Maui County.

Kalpasan ti umuna a dua a bulan ti Rental Assistance, mabalin nga agaplikar ti aplikante para iti Continued Temporary Housing Assistance. No maaprobaran, mapaatiddog ti Rental Assistance iti tallo a bulan iti tunggal gundaway no kasapulan. Ti gatad a maited ket agingga iti 175 a porsiento iti HUD Fair Market Rent.

Tapno maammuan no kualipikadoka, tawagan ti FEMA Helpline iti 800-621-3362 . Wenno mabalinmo nga awagan ti FEMA Housing Hotline iti 808-784-1600.

Para iti personal a suporta, bisitaen ti FEMA iti:

• Konseho para iti Panagrang-ay ti Katutubo a Hawaii, Sentro ti Serbisio ti Relief & Aid ti Kākoʻo Maui a masarakan iti 153 E Kamehameha Ave Ste 101 idiay Kahului. Oras ket 9 am to 5 pm HST Lunes agingga Biernes.
• Opisina ti Panagsubli ti Maui County iti Lahaina Gateway a masarakan iti 325 Keawe St. idiay Lahaina, iti abay ti Ace Hardware Store. Oras ket 8 am agingga 4:30 pm HST Lunes agingga Biernes.

Para iti ad-adu pay nga impormasion maipapan kadagiti banag a panangilibak iti seguro wenno insurance-settlement, tawagan ti FEMA Helpline iti 800-621-3362. Mabalin dagiti operator manipud alas 7 ti bigat agingga alas 10 ti rabii HST, pito nga aldaw iti makalawas, ken adu ti pagsasaoda. Pinduten ti 2 para iti Espaniol. Pinduten ti 3 para iti interpreter nga agsasao iti pagsasaoyo.

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema .