Maipalagip kadagiti makinkukua iti real property iti County of Maui a ti deadline para iti panangipila iti 2025 assessment year exemptions, dedikasion ken agricultural use claims ket Martes, Dis. 31, 2024.

Awan ti mailaksid kadagiti naladaw a panagipila.

Maipalagip pay kadagiti makinkukua iti sanikua a tapno kualipikadoda iti pannakawayawaya, ti dokumento a nakagun-odan ti interesda iti sanikua (deed, lease, assignment of lease, agreement of sale, kdpy.) ket masapul a mairekord inton wenno sakbay ti Dis. 31, 2024, iti State of Hawaiʻi Bureau of Conveyances.

Dagiti makinkukua iti sanikua a naapektaran iti daytoy a deadline iramanna dagiti indibidual a mang-claim iti pagtaengan; kuleana; dagiti organisasion ti karidad; dagiti kompania ti utilidad ti publiko; dagiti beterano a nakaro ti baldado; indibidual nga addaan iti kukutel; bulsek, tuleng wenno naan-anay a baldado nga indibidual; dagiti mangipapaay iti panangaywan iti ubing; dagiti makinkukua iti nabati a parsela; dagiti napaut a makinkukua iti panagabang; dagiti makinkukua iti proyekto a panagabang iti nababa ken kalalainganna ti matgedanda; ken dagidiay addaan iti pannakawayawaya iti panagtalon iti taro; agraman ti dedikasion ti ʻāina kūpuna.

Dagiti aplikasion ti circuit breaker tax credit ket maipaulog met iti Dec. 31, 2024, deadline. Saan a kasapulan a maipila ti baro a claim para iti sanikua nga addaanen iti exemption no saan a nagbaliw dagiti kondision a nakaipaayan ti exemption. Nupay kasta, masapul a tinawen a maipila dagiti aplikasion para iti long-term rentals, child care providers, public utility companies, taro farming, low- ken moderate-income rental projects ken circuit breaker.

Para kadagiti naidestino nga aktibo nga agtartrabaho a militar, masapul a maipila ti claim for exemption inton wenno sakbay ti Hunio 30 ti piskal a tawen a nakaidawat iti kasta a exemption. Masapul ti pammaneknek ti deployment.

Ti makinkukua iti sanikua nga agdama nga umaw-awat iti pannakawayawaya ket addaan iti legal a pagrebbengan a mangipadamag iti aniaman a panagbalbaliw iti kasasaad ti panagtagikua wenno panagusar iti uneg ti 30 nga aldaw kalpasan ti panagbalbaliw. Dagiti panagbalbaliw ket mairaman, ngem saan a limitado iti, panaglako, panagabang, ipapatay ken panagakar. Ti saan a panangipatulod kadagita a panagbalbaliw ket pakaigapuan ti pannakadiskualipika ken dusa.

Tapno kualipikado para iti 2025 assessment year home exemption ken owner-occupied classification, dagiti aplikante ket masapul nga ag-file iti 2023 N11 resident State of Hawaiʻi Tax Return inton Dis. 31, 2024. State income tax year 2023 non-filers, non-resident filers ken part-year resident filers ket saan a kualipikado para iti home exemption. Saan a mapalubosan ti home exemption no dagiti buis iti sanikua ket delinkwente iti las-ud ti nasurok a maysa a tawen. Apaman a mapukaw ti home exemption, kasapulan nga agaplikar manen ti makinkukua.

Para iti ad-adu pay nga impormasion, bisitaen ti www.mauicounty.gov/rpa .