Ti Departamento ti Uram ken Kinatalged ti Publiko (MFD) ti Kondado ti Maui ket nakaawat ti report ti Lahaina Fire Summary of Findings and Conclusions manipud iti US Bureau of Alcohol, Tobacco, Firearms and Explosives (ATF) idi Lunes, Sept. 23, 2024. Ni Maui Fire Chief Brad Ventura ket naipakaammo babaen ti ATF iti report ita nga aldaw, Sept. 25, 2024.

Ti MFD ket adda iti proseso ti panangikapet ti impormasion manipud iti investigative report ti ATF iti Cause and Origin report-na ken ibinglayna ti ATF report iti intero a kas apendise.

Ipresentar ti MFD ti pakagupgopan dagiti kangrunaan a natakuatan babaen ti live-streamed press conference inton sumaruno a Mierkoles, Okt. 2, 2024, ken iruarna ti Cause and Origin Report para kadagiti uram iti kabakiran ti Lahaina idi Agosto 8, 2023, iti publiko iti panagleppas ti press conference. Maiwaras dagiti detalye iti press conference sakbay ti pasken.

“Agyamankami iti sientipiko ken komprehensibo a trabaho ti ATF,” kinuna ni MFD Fire Chief Brad Ventura. “Bigbigenmi ti kinapateg ti panangiruar iti daytoy nga impormasion iti publiko, ket sipipinget nga agtartrabahokami ken ti grupok tapno maitipon dagiti natakuatan iti reportmi a Cause and Origin tapno maibinglay daytoy narikut a panangusig iti uram.”