Agtultuloy ti panagtakder ti County of Maui iti natibker a suporta kadagiti bombero, opisial ti polisia, emergency response personnel, ken dagiti umili a sibabannuar a nangisakripisio iti personal a kinatalgedda tapno matulongan ti komunidadtayo. Agtultuloy nga ibilangmi dagiti panagreggetda idi Agosto 2023—a manglapped iti uppat (4) nga aggigiddan nga uram iti tengnga ti nakaro a kasasaad ti paniempo agpadpada iti ballasiw ti kasasaad ti kabakiran ken siudad—kas kangatuan a porma ti serbisio kadagiti tattaotayo.

“Agtalinaed a naikumit ti Kondado iti nalawag ken naan-anay nga imbestigasion a makatulong kadatayo a mangilasin ken mangipatungpal kadagiti kasayaatan nga aramid—adu ti naipasdeken tapno masalakniban ti salun-at ken kinatalged ti komunidadtayo,” kinuna ni Mayor Bissen. “Daytoy nga imbestigasion, a maiparis iti nasarakan dagiti County Police, Fire ken MEMA After Action Reports-tayo, ket ma-leverage tapno mapasayaat ti abilidadtayo a mangsungbat kadagiti masanguanan a didigra ken mangispal iti biag.”

Bigbigen ti Kondado dagiti panagregget ti Departamento ti Abogado Heneral maipapan iti daytoy a report ken maitunos iti sirmatana iti kinalawag ken pannakaipablaak. Ti dakkel a kaaduan nga impormasion a nausar iti daytoy a report ket naggapu iti Kondado ken dagiti nagaget ken naandur nga agserserbi iti publiko. Agingganat’ agdama, ti Kondado ket nangited iti Estado kadagiti nasurok a limapulo (50) a naisina a produksion dagiti dokumento (a naglaon kadagiti nasurok a 23,000 a naisangayan a file, a mairaman ti agarup a 8,000 a video ken audio a file; nasurok a 85,000 a panid; ken agarup a 125 GB a datos) ken inaramidna dagiti tattaona, direktor, diputado, ken empleadona a magun-od para iti nasurok a 150 a teknikal nga interbiu ken nagadu a site visit iti uneg ken aglawlaw dagiti naapektaran a lugar. Agtultuloy dagiti teknikal nga interbiu agingga ita, nga adda sabali pay a naikeddeng iti sumaganad a lawas.

Dagitoy a teknikal nga interbiu ket napilit babaen kadagiti pannakabalin ti panagimbestigar ti Attorney General, ken dagiti nainterbiu ket saan a naitukon iti imunidad manipud iti simmaruno a sibil wenno kriminal a pannakaidarum a kasukat ti testimoniada. Saan a napakaammuan kadagiti nainterbiu a dagiti nairekord nga interbiuda ket iruar ti FSRI kas paset ti presentasion iti publiko a media.

Ti Kondado ket nangited daytoy nga impormasion ken inaramidna dagiti agdama ken dati a tattaona a magun-od para kadagiti interbiu bayat nga aggigiddan a mangidepensa kadagiti nasurok a 700 a sibil a darum ken makipaset iti sangalubongan a panagtengngel ti panagtaeng. Gapu kadagiti panagregget ti amin a partido kadagiti darum, naipamaysa ti Kondado a mangpapartak iti pannakaipaay ti napateg a tulong para kadagiti biktima dagitoy a nakalkaldaang nga uram babaen ti pananggun-od iti sangalubongan a panagtutunos.

Agtalinaed a naikumit ti Kondado kadagiti agtultuloy a panagregget a mangrisut iti amin a panagdawat ken panagsusupiat tapno mapasayaat ti dalan para iti ad-adu pay a pannakaagas ken panagimbag babaen ti komunidadtayo a Maui.