Ti Departamento ti Transportasion ti Hawai'i (HDOT) ket mangipakaammo kadagiti agar-aramat ti haywey kadagiti mabalin a pannakaat-atiddog ti trapiko gapu kadagiti panagserra ti lane iti nagsasabatan ti Honoapiʻilani Highway (Ruta 30) ken Kapunakea Street idiay Lahaina para iti pannakaipasdek ti linia ti imburnal ken trabaho ti panagsemento para iti proyekto ti Kaiāulu o Kūkuʻia Affordable Housing.

24/7 ti panagserra

Maysa a lane iti agpaamianan a direksion iti Honoapiʻilani Highway iti nagsasabatan ti Kapunakea Street ket agserra iti 24-oras iti inaldaw, mangrugi iti alas 8 ti rabii, Lunes, Pebrero 10 agingga iti alas 5 ti malem, Biernes Pebrero 14. Mabalin a nasapsapa a maikkat ti pannakaserra no rumang-ay ti trabaho kas naiplano.

Serraan ti lane 24/7 ta kasapulan dagiti tripulante ti agtultuloy a pannakagun-od iti utility cover iti lane. Makatulong daytoy tapno mapapartak ti trabaho.

Agtalinaed a silulukat ti maysa a lane iti direksion nga agpaamianan.

Panagserra ti rabii

Ti maymaysa a lane agpadpada iti agpaabagatan ken agpaamianan a direksion iti Honoapiʻilani Highway iti nagsasabatan ti Kapunakea Street ket agserra iti rabii manipud alas 8 ti rabii ken malukatan manen iti sumaganad nga aldaw iti alas 5 ti bigat, mangrugi iti Lunes, Pebrero 17 agingga iti Biernes, Pebrero 21, para iti trabaho a panagsemento ken panag-restriping. Agtalinaed a silulukat ti maysa a lane iti tunggal direksion.

Pangngaasiyo ta agtulnogkayo amin a karatula ken kontrol ti trapiko ken agmanehokayo a siaannad iti aglawlaw dagiti trabahador. Maiposte dagiti construction updates kadagiti social media page ti HDOT iti Facebook ken X.