Maawis ti komunidad a makipaset iti Maui Emergency Management Agency (MEMA)’s Emergency Preparedness Expo inton Sabado, Abril 12, 2025, manipud alas 10 ti bigat agingga alas dos ti malem idiay Queen Ka’ahumanu Center sadiay Kahului.

Ti libre nga event ket mangitampok kadagiti makaisuro nga ispiker, rekurso ti komunidad ken pannakipaset manipud iti nasurok a 30 a lokal a partner agencies. Maaddaan dagiti makipaset iti gundaway a makasursuro kadagiti napateg nga estratehia ti panagsagana iti didigra, makikonektar kadagiti lokal nga organisasion ken agparehistro para kadagiti libre a premio ken giveaways.

Naangay a kagiddan ti Tsunami Awareness Month, ti expo ket natemaan iti “Kanayon a Panagsagana, Napigpigsa a Sangsangkamaysa: Panangbangon iti Naandur a Maui Nui.”

“Napateg ti panagsagana iti emerhensia idiay Maui County, a sadiay ti panagsagana para iti di ninamnama ket dakkel ti maitulongna a mangkissay kadagiti peggad ken mangkissay kadagiti pannakadadael,” kinuna ni Amos Lonokailua-Hewett, MEMA Administrator. "Agtalinaed a naikumit ti baro a nabukel a grupomi a mangsuporta iti komunidad iti panagsagana, panagsungbat ken kinaandur—gapu ta napigpigsakami a sangsangkamaysa. Daytoy nga event, iti pannakitinnulong kadagiti lokal nga ahensia, ket maysa a kangrunaan a gundaway a mangted kadagiti umili kadagiti nasken nga alikamen tapno agtalinaed a natalged."

Adda dagiti empleado ti MEMA a tumulong kadagiti panagpirma iti MEMA Alert.

Para iti ad-adu pay nga impormasion, bisitaen ti website ti MEMA iti www.mauicounty.gov/MEMA wenno tawagan ti (808) 270-7285.