‘Oku fakalotolahi’i atu ‘a e kakai ke nau kau mai ki he Fakataha Fakamuimuitaha Fakauike ‘a e Pule Kolo ko Richard Bissen ki he Fakafo’ou ‘a e Kakai ‘o e Kolo ki he Fakaakeake mei he Fakatamaki ‘i he taimi 5:30 efiafi Pulelulu, ‘aho 8 ‘o Me, ‘i he Senitā Sivile ‘o Lahaina.

ʻE fakahoko ʻi he fakatahá ha fakamatala fakamuimuitaha mei he Talēkita ʻo e Potungāue Paʻake mo e Fakafiefia ʻa e Vahefonuá ko Pat McCall fekauʻaki mo e tuʻunga ʻo e Senitā ʻAkuati ʻo Lahaina. ʻE ʻoatu ʻe he Kau ʻEnisinia ʻa e Kau Tau ʻAmeliká ha fakamatala fakamuimuitaha ki hono fakamaʻa ʻo e ngaahi veve.

‘Oku fakafaingofua’i ‘e he Pule Kolo, ‘oku ‘oatu ‘e he kau fakafofonga mei he ngaahi potungaue fakavahefonua, siteiti mo e fakafederal ‘a e ngaahi fakamatala fakauike ‘oku ne ‘ufi’ufi ‘a e fakalakalaka, taimi-tepile mo e ngaahi fehu’i ‘oku toutou ‘eke ‘e he komiuniti ‘i he hokohoko atu ‘a hono fakama’a ‘o e veve. Naʻe kamata ʻa e ngaahi fakataha fakakoló ʻi Nōvema.

ʻE livestream ʻa e fakatahá ʻi he peesi Facebook ʻa e Vahefonua Mauí; ʻoku ʻikai fie maʻu ha ʻakauni ke vakai ki ai.

‘Oku fakalotolahi’i atu ‘a e kau nofo mo e kau ma’u ‘api ‘oku uesia ke nau fakamo’oni hingoa ki he ngaahi fakatokanga ‘i he ‘imeili mo e text ‘i he https://www.mauirecovers.org .