ʻOku fakalotolahiʻi atu ʻa e kakai ʻo e fonuá ke nau ʻalu ki he Fakataha ʻa e Kakai ʻo e Vahefonua Maui ki he Fakaakeake mei he Fakatamaki ʻi he taimi 5:30 efiafi Pulelulu, Nōvema 20, ʻi he falekai ʻo e ʻApiako Lotolotó ʻi Lahaina.

‘E ‘oatu ‘e he Potungaue Pule’i ‘o e ‘Atakai ‘a e Vahefonua ‘a e ngaahi fakamatala fakamuimuitaha ki he ngaahi ‘elia mahu’inga ‘e tolu ‘o e fakaakeake: ko ha fakamatala fakamuimuitaha ki he ngaahi ‘elia kuo fakafoki mai ‘a e sevesi ‘o e suá; ko ha fakamatala nounou ki he poloseki 'a e Potungaue Malu'i 'o e 'Atakai 'o 'Amelika (EPA) ki he 'uli 'i Wahikuli; mo e fakamatala fekauʻaki mo e aleapau naʻe toki fakahā ʻe he Vahefonuá ke maʻu ha kelekele mei he Nan, Inc., ʻoku ofi ki he Lingiʻanga Veve ʻo Maui Lotolotó, ʻa ia ʻe fakaʻaongaʻi ki he Feituʻu Liʻaki Tuʻumaʻu ʻo e ngaahi veve ʻo e afi ʻi Lahaina.

‘Oku fakalotolahi’i lahi atu ‘a e kakai ‘o Wahikuli ke nau kau mai ki he fakataha, ‘a ia ‘e vahevahe atu ai ha palani fakamu’omu’a ‘o e ngaahi feitu’u ‘oku tu’u ai ‘a e ngaahi laine ‘o e vai ‘uli ‘a e EPA.

‘E kau foki ‘i he fakatahá ha fakamatala fakamuimuitaha ki he tu‘unga ‘o hono fakama‘a ‘o e ngaahi veve ‘e he Kau ‘Enisinia ‘a e Kau Tau ‘Ameliká, pea pehē ki ha fakamatala mei he All Hands and Hearts fekau‘aki mo ‘ene ngāue tokoni fo‘ou ko e Lahaina Clean-Up Kōkua.

ʻE livestream ʻa e fakatahá ʻi he peesi Facebook ʻa e Vahefonua Mauí; ʻoku ʻikai fie maʻu ha ʻakauni ke vakai ki ai. Akakū: 'E faka'ali'ali 'e he Mītia Fakakomiuniti 'o Maui ha fakamafola hangatonu 'o e fakatahá 'i he Channel 53.

‘Oku fakalotolahi’i atu ‘a e kau nofo mo e kau ma’u ‘api ‘oku uesia ke nau fakamo’oni hingoa ki he ngaahi fakatokanga ‘i he ‘imeili mo e text ‘i he www.mauirecovers.org/sign-up .