‘Oku fakalotolahi’i atu ‘a e komiuniti ke nau ako lahi ange fekau’aki mo e tu’unga mo e founga ‘o hono fili ‘o ha Feitu’u Li’aki Tu’uma’u (PDS) ki he efu mo e veve mei he vela ‘o e vao ‘o Lahaina ‘i he fakataha Fakafo’ou ‘a e Komiuniti Fakaakeake mei he Fakatamaki ‘a e Vahefonua Maui ‘i he 5:30 efiafi Pulelulu, Sanuali 31, ‘i he Senitā Lavic Cihaina.

‘E kau ‘i he fakatahá ha fakamatala ‘a e Potungāue Pule‘i ‘o e ‘Ātakaí ‘i he Vahefonuá ki he founga ‘o hono sivi‘i ‘o e ngaahi fili ki he Feitu‘u Li‘aki Tu‘uma‘ú, pea mo e fakamatala fekau‘aki mo ha savea ‘e ngāue‘aki ‘e he Vahefonuá ke mahino lelei ange ‘a e ngaahi mahu‘inga ‘o e kakaí ‘i he‘ene fekau‘aki mo e feitu‘u ‘e tauhi tu‘uma‘u ai ‘a e efuefu mo e veve.

Ko e ngaahi fakakaukau 'a e kakai 'e 'i ai 'a e liliu pea tokoni ke tataki 'a e Vahefonua Maui 'i hono fai 'o e tu'utu'uni mahu'inga ko 'eni. Ko e ngaahi fakamatala fekau'aki mo e savea mo e founga fili ki he Feitu'u 'o e Li'aki Tu'uma'u 'e ma'u ia 'i he www.mauirecovers.org .

Naʻe kamata ʻe he Kau ʻEnisinia ʻa e Kau Tau ʻAmeliká ʻa hono toʻo ʻo e ngaahi veve ʻi Lahaina ʻi he ʻaho 16 ʻo Sanuali pea ʻoku nau ʻave ʻa e ngaahi veve ki ha feituʻu tauhiʻanga koloa fakataimi ʻi Olowalu.

Lolotonga hono tauhi ʻo e efu mo e veve ʻi he feituʻu tauhi fakataimi ʻi ʻOlovalu, kuo tukupā ʻa e Pule Kolo ko Richard Bissen ke ʻoua naʻa ne fakaʻaongaʻi ʻa ʻOlowalu ko ha feituʻu tuʻumaʻu ke lī ai ʻa e veve. ‘E to‘o ‘a e ngaahi veve mei he feitu‘u tauhi‘anga fakataimi ‘i he taimi ‘e ‘ilo‘i ai ha feitu‘u tu‘uma‘u pea langa.