“ʻOku mau houngaʻia ʻi he ngāue ʻa e Kolosi Kulokula ʻo ʻAmeliká ke fakafekauʻaki ʻa e nofoʻanga fakataimi ʻo e kakai ʻe toko 7,700 tupu mei he ngaahi ʻapi ʻe 3,200 tupu. ‘Oku mau hounga’ia foki ‘i he ngaahi hotele na’e ‘ikai ngata pe ‘i he’enau nofo’i ‘enau kau ngaue mo honau ngaahi famili na’e uesia ‘e he fakatamaki, ka na’a nau toe nofo’i foki mo e tokolahi ‘o homau ngaahi famili na’e hiki mei honau ngaahi fonua. Naʻe fakaʻatā ʻe he ngaahi fokotuʻutuʻu ko ʻení ha liliu mei he ngaahi fale nofoʻanga fakavavevave lalahi naʻe fokotuʻu ʻi he ngaahi fale fakamalohisino mo e ngaahi holo ʻo e siasí ki ha ngaahi ʻapi hōtele ʻe 39 – ʻo ʻoatu kotoa ha ngaahi nofoʻanga maʻá e niʻihi fakafoʻituituí mo e ngaahi fāmili naʻe hiki ʻi he fakatamaki ʻo e ʻaho 8 ʻo ʻAokosí. ʻI he tokoni mei he FEMA mo e Kolosi Kulokula ʻo ʻAmeliká, naʻe kamata ʻa e polokalama ʻaho ʻe 30 ʻi he ʻaho 15 ʻo ʻAokosí pea fakalahi atu ki he ʻaho ʻe 45 ki he ʻaho 30 ʻo Sepitemá.

Kuo u ma'u ha ngaahi hoha'a lahi mei homau komiuniti fekau'aki mo e tu'unga 'o kinautolu 'oku nofo fakataimi 'i ha hotele 'i he'etau ofi ki he 'aho 30 'o Sepitema. Na'a ku lava 'o talanoa he 'aho ni mo e kau fakafofonga 'o e Kolosi Kulokula 'o 'Amelika, FEMA mo e Siteiti pea fakapapau'i kiate kinautolu 'oku uesia 'i he 'aho 30 'o Sepitema, 'e hokohoko atu 'a e poupou ki he nofo'anga kiate kinautolu kuo nau fakakakato 'a e lesisita 'o e FEMA mo e Kolosi Kulokula 'o 'Amelika.

‘I he lesisita ‘a e tokolahi taha he taimí ni, ‘e lava ke hokohoko atu ‘a e ‘oange ‘e he Kolosi Kulokula ‘o ‘Ameliká ha nofo‘anga kiate kinautolu. Ko hono ‘uhinga ‘oku laka hake he ngaahi ‘api ‘e 2,200 ‘e kei ‘i honau ngaahi nofo’anga lolotonga pe ‘e hiki kinautolu ki ha ‘api kehe ‘o e hotele. ʻOku ofi ki he toko 800 ʻo e kau nofo ʻoku mole honau ʻapí ʻoku nau fakaʻosi ʻenau lesisita ki he Kolosi Kulokula ʻo ʻAmeliká mo e FEMA, pea ʻoku laka hake ʻi he toko teau ʻoku nau tatali ki ha ngaahi fakaʻatā ʻoku lolotonga vakaiʻi he taimí ni. Ko e uelofea ʻo kinautolu ʻoku nau aʻusia ʻa e ngaahi faingataʻa ʻoku fakatupu ʻe he fakatamakí ʻoku muʻomuʻa ia ʻi heʻemau ngaahi feingá.

ʻOku ou poupouʻi atu ʻa e kakai ʻoku nau malu ʻi ha ʻapi ʻo ha hōtele ʻoku nau fie maʻu ke fakatonutonu honau tuʻunga lesisitá pe fie maʻu ha tokoni ke fakakakato ʻenau lesisitá ke nau ʻalu hangatonu ki he tēpile fakamatala ʻa e Kolosi Kulokula ʻAmeliká ʻi honau hōtelé. Te nau lava foki ʻo tā ki he 1-800-Kolosi-Kulokula (1-800-733-2767).”

‍