Hili hono fakamo’oni hingoa ‘a Kōvana Josh Green ki he fanongonongo fakavavevave hono ¹¹ fekau’aki mo e vela ‘o e vaotaá, ‘a ia na’e fakamo’oni hingoa ke hoko ko ha lao ‘i he ‘aho 3 ‘o Mē, 2024, ‘e lava pē ke fai ia ‘e ha tokotaha ‘oku ‘a’ana ‘a e ‘api ‘oku ne faka’amu ke fakangata ha lisi kimu’a pea toki kamata ngāue ‘i ha ‘uhinga ‘e ua, pea kuo pau ke ne fakahū atu ha fakamo’oni fakapapau kuo fakamo’oni hingoa ki he Vahefonua Homan Dicon of Maui.

Ko ha tokotaha ‘oku ‘a‘ana ‘a e ‘apí ‘oku hiki ki he ‘iunití, pe hiki ha mēmipa ofi ‘o e fāmilí ki he ‘iunití, ‘e lava ke ne kole ha faka‘atā. ‘E lava foki ke kole ‘e ha tokotaha ‘oku ‘a’ana ‘a e ‘api ‘oku ne fakatau atu ‘a e ‘iuniti ki ha tokotaha fakatau mo’oni ‘oku ‘i ai ‘ene aleapau fakatau ha tukukehe ke fakangata ‘a e lisi. Ko e ongo ‘uhinga ko ‘eni ‘oku fiema’u ai ‘e he tokotaha ‘oku ‘a’ana ‘a e ‘api ke ne fakakakato mo fakamo’oni hingoa ki ha tohi fakapapau ‘o fakahaa’i ai ‘a e ‘uhinga ‘o e fakangata vave. Kuo pau ke fakahū atu ha tatau ‘uluaki ‘o e tohi fakapapau ki he Va‘a Fale ‘i he taimi tatau ‘oku fakahā ai ki he tokotaha nofo totongí ‘a e ngāué.

Kapau ‘e ‘osi ‘a e lisi nofo’anga, ‘oku ‘ikai fiema’u ke fakafo’ou ‘e he kau ma’u ‘api ‘a e lisi ‘i he malumalu ‘o e fanongonongo fakavavevave.

Ki ha tatau ‘o e tohi fakapapau ‘oku fiema’u, pe ke vakai ki he pepa fakahinohino ki hono fakafonu ‘o e tohi fakapapau, ‘a’ahi ki he https://www.mauicounty.gov/251/Vahenga-Fale pe telefoni ki he (808) 270-7351.