ʻE lava ʻe he kāingalotu ʻo e komiunitī ʻoku uesia ʻe he vela ʻi Mauí ʻo ʻomi ʻa e meʻakaí, ngaahi meʻatokoní, mo e ngaahi fie maʻu kehé ʻi he Senitā Tufakiʻanga Koloa ʻo e West Maui ʻoku tuʻu ʻi he Matapā ʻo Kahana. Naʻe fakahoko ʻe he feituʻu foaki foʻoú ha ouau tāpuaki mo fakaava ʻi he Falaité, ʻo ʻi ai ʻa e kau taki ʻo e koló, vahefonuá, mo e siteití ʻa ia naʻa nau fakapapauʻi ʻe kei fakaava pē ʻa e feituʻu foakí ʻi Maui Hihifo ʻo tatau ai pē pe ko e hā hono fuoloa ʻo e fie maʻu ʻe he koló.

Naʻe kamata ʻa e ouau pongipongí ʻaki ha tāpuaki tukufakaholo faka-Hauaiʻi, pea hoko atu ki ha ngaahi lea mei he kau takí. Naʻe lea ʻa e Pule Kolo ko Richard Bissen ʻo kau ki he taʻepau ʻoku ongoʻi ʻe he kakai kuo hiki mei honau ngaahi ʻapí talu mei he ngaahi velá. ʻE ʻoatu ʻe he feituʻu ʻo e Kahana Gateway ha tokoni hokohoko mo tuʻuloa ʻi he hala kotoa ki he fakaakeaké.

"Ko e taimi ʻoku tau fakatahataha mai ai ʻi ha feituʻu hangē ko ʻení, ʻoku tau fakasiʻisiʻi ai ʻa e taʻepau ko iá. ʻOku tau fakasiʻisiʻi ʻa e hohaʻa ko iá," ko e lau ia ʻa e Pule Kolo ko Bissen.

Ko e Global Empowerment Mission (GEM), ko ha kautaha ʻofa ʻoku ʻikai ke maʻu paʻanga ʻoku fakataumuʻa ki hono ʻoatu ʻo e tokoni ki he fakatamakí, tokoni fakaetangatá, mo e ngaahi fakaleleiʻanga fakalakalaka tuʻuloá ki he ngaahi komiunitī ʻoku faingataʻaʻiá, kuo nau hoa ngāue mo e kau taki ʻo e komiunitī ʻo Maui Hihifó ke nau puleʻi ʻa e senitā tufakiʻanga koloá.

Ko e feituʻu ʻo e Kahana Gateway ko ha konga ʻe taha ia ʻo e netiueka tufakiʻanga tokoni fakakātoa ʻoku fakafekauʻaki ʻa ia ʻoku kau ai ʻa e ngaahi feituʻu tokoni kehekehe mo e ngaahi feituʻu ʻo e tuʻumālie ʻa e komiunitií ʻi he kotoa ʻo Maui.

Na'e pehē 'e he Lēteni Kōvana Sylvia Luke, 'a ia na'á ne ngāue mo e vahefonuá mo e ngaahi hoa ngāue fakakoló ke poupou'i 'a e netiueka tufaki'angá, "'E 'i heni 'a e Kahana Gateway. 'E 'i heni 'a e ngaahi feitu'u tufaki'anga koloa kehe 'o fakamālō ki he kau taki 'o e vahefonuá. Pea ko e me'a ia 'oku mau fie fakapapau'i ki he kakai 'o Maui – 'e ma'u 'eni."

Naʻe ʻi he Matapā ʻo Lāhainā kimuʻá, ʻoku fakaava ʻa e Senitā Tufakiʻanga Koloa foʻou ʻo West Maui ʻi he Matapā ʻo Kahana ʻi he Mōnite, Tuʻapulelulu, mo e Falaite mei he 10 pongipongi ki he 4 efiafi .

‘Oku fiema‘u ‘a e kau ngāue pole ke nau tokoni ki hono fakahokohoko mo tufaki ‘a e ngaahi foakí. Ki ha fakamatala lahi ange fekauʻaki mo e ngāue tokoní pe foaki ʻo e ngaahi meʻá, kātaki ʻo ʻaʻahi ki he www.mauinuistrong.info .