‘I ha ngaahi māhina ki mu‘a ‘i he ‘uluaki ‘aho faka‘osi ‘o Sānuali 2025, kuo ‘osi fakama‘a ‘a e ngaahi veve mei he peseti ‘e 100 ‘o e ngaahi ‘api nofo‘anga ‘e 1,390 ‘i he Sone Uesia ‘o Lahaina .

Ko e ngaahi fale nofoʻanga fakamuimui tahá, kau ai ʻa e fale nofoʻanga ʻo e The Spinnaker, naʻe fakamaʻa ia ʻi he fakaʻosinga ʻo ʻAokosí, ʻo fakatatau ki he Kau ʻEnisinia ʻa e Kau Tau ʻa ʻAmeliká .

“Ko ha makamaile mo ha lavameʻa lahi ʻaupito ia,” ko e lau ia ʻa Lūteni Koloneli Kolini Sōnasi, ko e ʻeikitau ʻo e ʻŌfisi Fakaakeake ʻo e Vela ʻi Hauaiʻí maʻá e Kau ʻEnisinia ʻa e Kau Tau ʻa ʻAmeliká, ʻi he Fakataha Fakafoʻou ʻa e Kakai ʻo e Fakaakeake mei he Fakatamaki ʻa e Vahefonua Mauí ʻi he ʻaho 28 ʻo ʻAokosí.

ʻI he taʻu ʻe taha kuohilí, naʻe fakafuofua ʻe ʻosi nai ha taʻu ʻe ua ki he tolu kimuʻa pea toki kamata ʻa e toe langa ʻi Lahaina.

Ko ʻeni, kuo ʻosi fakakakato foki ʻa e ngaahi konga kelekele nofoʻanga ʻe 1,342 ʻo e ngaahi konga kelekele nofoʻanga ʻe 1,390 kuo ʻosi fakamaʻá ko ia kuo fakafoki ʻa e totonu ke hū ki he vahefonuá pea ʻe lava ʻe he kau maʻu koloa ko iá ʻo kole ha ngofua langa. Kuo kamata hono toe langa ʻo e ngaahi ʻapi ʻe 20.

“ʻI hono fakamaʻa ʻo e konga kelekele takitaha mo lilingi ha fakavaʻe foʻou, ʻoku maʻu ai ha ongoʻi ʻamanaki lelei ʻi he kotoa ʻo e kolo ko Lahaina,” ko e lau ia ʻa e Pule Kolo ko Richard Bissen. “Kuo vave ange ʻa e fakalakalaká ʻi he meʻa ne mau fakakaukau ki aí. ʻOku mau houngaʻia ʻi he ngāue mahuʻinga mo fakavavevave ʻoku fai ʻe homau ngaahi hoa ngāue fakafederal, fakataha mo ʻemau kau ngāue mālohi ʻo e Vahefonuá, koeʻuhí ke lava ʻe homau kau nofo aí ʻo kamata ke toe langa honau ngaahi ʻapí mo honau moʻuí.”

Kuo vahe ʻe he Potungāue Puleʻi Fakavavevave ʻa e Puleʻangá ʻa e Kau ʻEnisinia ʻa e Kau Tau ʻa ʻAmeliká ke nau tokangaʻi ʻa hono toʻo ʻo e ngaahi veve ʻi he fengāueʻaki mo e Potungāue Puleʻi Fakavavevave ʻa Hauaiʻi, Potungāue Maluʻi ʻo e ʻĀtakai ʻo ʻAmeliká mo e Vahefonua Maui.

‘Oku kei hokohoko atu pē ‘a e ngāue ke fakama‘a ‘a e ngaahi veve ‘i he ngaahi ‘api fakakomēsiale ‘e 68 ‘i Lahaina.

‍