ʻOku fakaafeʻi ʻe he ʻŌfisi Fakaakeake ʻo e Vahefonua Mauí ʻa e kakai ʻo e koló ke nau kau ʻi ha ʻekitivitī fakakaukau ʻi he ʻinitanetí ʻi heʻene peesi Ola Lahaina naʻe toki kamataʻí, ko e hub tefito ia ki he fetuʻutaki fakakomiuniti ʻi he ʻinitanetí ki he ngaahi feinga fakaakeake ʻa e vela ʻo e vaotaá ʻi Lahaina. ʻE lava ke maʻu ʻa e ʻekitivitī fakafehuʻí ʻo aʻu ki he ʻaho 15 ʻo Māʻasi, 2024, pea ʻe lava ke maʻu ia ʻi he https://mauirecovers.org/lahaina .

ʻOku kole ki he kau maʻu fakatahá ke nau tali ʻa e ngaahi fehuʻi ko ʻení: Ko e hā ʻa e ngaahi mālohinga mo e ngaahi vaivaiʻanga ʻo Lahaina kimuʻa pea mo e hili ʻa e afí? Te tau lava fēfē ʻo toe langa hake ʻo lelei angé?

Ko e ngaahi fakamatala ‘e ma’u ‘e vahevahe ia ‘i he uepisaiti ‘a e Ola Lahaina, ‘a ia ‘e lava ai ‘e he kau ma’u fakataha ‘o sio mo like ‘a e ngaahi fakamatala ‘oku nau loto ki ai.

Naʻe toki kamataʻi ʻa e Ola Lahaina ʻe he ʻŌfisi Fakaakeake ʻo e Vahefonua Maui pea ʻoku fakalele ʻi he uepisaiti ʻa e Maui Recovers. ‘I he hokohoko atu ‘a e ngaahi feinga fakaakeake, ‘e hoko ‘a Ola Lahaina ko e ma’u’anga tokoni tefito ia ki he kakai ki he’enau nofo ma’u ‘i he ngaahi me’a fakamuimuitaha ‘oku hoko ‘i he fetu’utaki fakafo’ituitui mo e ‘initaneti, ma’u ‘a e ngaahi fakakaukau mei he kaungā memipa ‘o e komiuniti pea tokoni ki hono fa’u ‘o e palani fakaakeake taimi loloa ‘a Lahaina.