Hili ha mālōlō uike ʻe ua, ʻe toe kamata ʻe he Vahefonuá ʻene ngaahi Fakataha Fakafoʻou Fakauike ʻa e Kakai ʻo e Fakaakeake ʻo e Fakatamaki ʻi Lahaina ʻi he ʻaho Tuʻapulelulu, Fepueli 21 ʻaki ha ongo kaveinga mahuʻinga ʻe ua ʻe fakaʻaliʻali: ngaahi fakafoʻou ki he savea ʻa e komiunitī ʻo e Feituʻu Fakaʻauha Tuʻumaʻú mo e fakamatala ki he cesspool. ʻE fakahoko ʻa e fakatahá ʻi he taimi 5:30 efiafi ʻi he Senitā Sivile ʻo Lahaina pea ʻe fakahoko hangatonu ia ʻi he peesi Facebook ʻa e Vahefonua Mauí.

‘E vahevahe ‘e he Vahefonua ‘a e ngaahi fakamatala na’e ma’u ‘e he kakai ‘i ha vaha’ataimi ‘aho ‘e 16 mei ha savea ‘a e komiuniti na’e kumi ai ‘a e ngaahi fakamatala ‘a e kakai ki he ngaahi feitu’u ‘oku lolotonga fakakaukau’i ki ha feitu’u ke li’aki faka’osi ai ‘a e fakafuofua ki he toni ‘e 400,000 ‘o e efuefu mo e veve na’e to’o ‘e he Kau ‘Enisinia ‘a e Kau Tau ‘a ‘Amelika mei Lahaina. Naʻe laka hake ʻi he kakai ʻe toko 2,300 naʻa nau fakakakato ʻa e savea naʻe fakahoko ʻe he Vahefonuá.

‘E ‘oatu foki ‘e ha fakafofonga mei he Potungaue Mo’ui ‘a e Siteiti ‘a e ngaahi fakamatala fakamuimuitaha ki he ngaahi cesspools pea mo ha fokotu’utu’u ki ha ako ki he mo’ui ‘i he fengaue’aki mo e ‘Univesiti ‘o Hawaii.

Ki ha fakamatala lahi ange fekauʻaki mo e ngaahi feinga fakaakeaké, ʻalu ki he www.mauirecovers.com. ʻE lava ke maʻu ʻa e ngaahi lekooti ʻo e ngaahi Fakataha Fakafoʻou ʻa e Kakai ʻo Lahaina kimuʻa ʻa ia naʻe kamata ʻi Nōvemá ʻi he peesi Facebook ʻa e Vahefonua Mauí.