Naʻe pulusi ʻe he ʻŌfisi Fakalakalaka Fakaʻekonōmika ʻo e Vahefonua Maui (OED) ʻi he uike ní ʻa e ngaahi ola ʻo ʻene savea ʻa e Sivi Moʻui Lelei ʻa e Pisinisi ʻi Maui. Naʻe fakahoko mei Sanuali ki Fepueli 2024, naʻe maʻu ʻe he saveá ha ngaahi tali mei he ngaahi pisinisi ʻe 290, ʻo fakamaama ai ʻa e ngaahi pole hili ʻa e vela ʻo e vaotaá ʻoku fehangahangai mo e komiunitī pisinisi ʻo Mauí pea ʻoatu mo ha ngaahi fakakaukau ki he fakalakalaká.

ʻE lava ke vakai ki he lipooti kakató ʻi he www.mauinuistrong.info/feedback (vakai ki he “Sivi Moʻui Lelei ʻa e Pisinisi ʻi Maui” ʻi he “Ngaahi Ngāue ʻi he Kuohili”).

Naʻe kamata ʻe he OED, ʻa e savea ʻo e Maui Business Health Check naʻe fakataumuʻa ia ke tānaki ha ngaahi fakamatala mei he ngaahi pisinisi naʻe uesia fakahangatonu mo taʻefakahangatonu ʻe he vela ʻo e vaotaá ʻi ʻAokosi 2023. Ko e taumu’a ke fakafaingofua’i ha mahino loloto ange ki he ngaahi faingata’a ‘oku fehangahangai mo e ngaahi pisinisi pea ke fakapapau’i ‘a e ngaahi feitu’u ‘oku fiema’u ai ‘a e poupou mo e ngaahi ma’u’anga tokoni.

'I he lotolotonga 'o e kau savea fakakatoa 'e toko 290,Ko e ngaahi pisinisi 'e toko 106 na'e mei Lahaina, 'o fakafofonga'i 'a e ngaahi ngaue'anga kehekehe. Ko e ngaahi sekitoa ma’olunga taha na’e kau ai ‘a e fefolau’aki mo e talitali kakai (27.6%); fakatau fakataautaha (22.8%); me‘akai mo e inu (14.5%); mo e ngaahi ‘aati, anga fakafonua mo e fakafiefia (11.4%).

Ko e ngaahi meʻa mahuʻinga naʻe maʻú ʻoku kau ki ai:

• ‘Iate kinautolu na’a nau kau ki he savea, ko e peseti ‘e 52.4% na’a nau lipooti ‘oku ‘ikai ha liliu ‘i honau feitu’u pisinisi, ko e peseti ‘e 27.8% ‘oku ‘ikai ha’anau feitu’u fakatu’asino ‘i he lolotonga ni pea ko e peseti ‘e 19.8% kuo nau hiki.
• Ko e ngaahi ‘uhinga tefito ki he hiki ‘a e ngaahi pisinisi ko e: mole ‘a e fale ‘i he vela (75%), lisi ‘oku ‘ikai lava ke ma’u (8.9%) mo e maumau ‘i he vela/fiema’u ke fakalelei’i (3.6%).
• Mei he ngaahi pisinisi ʻe 290, ʻoku kei siviʻi ʻe he 37.6% ʻa e uesia ʻe he vela ʻo e vaotaá ʻenau ngaahi palani pisinisí, ka ko e 36.2% naʻa nau fakasiʻisiʻi lahi ka ʻoku nau palani ke toe langa ʻi Maui.
• Fakapaʻanga, 43.8% ʻo e ngaahi pisinisí naʻa nau fakamatalaʻi kinautolu ko e “fakatuʻutāmaki, ʻi he poupou ki he moʻuí,” ʻi he 3.1% pē naʻa nau lipooti “ʻoku nau fai lelei, ongoʻi lelei.”
• Naʻe laka hake ʻi he vaeua ʻo e ngaahi pisinisí naʻa nau fehangahangai mo e ngaahi pole ʻi hono tauhi pe fakangāueʻi ʻo e kau ngāué, ʻo iku ai ki he mole ʻa e ngāue ʻe toko 1,936.
• Naʻe lava ʻe ha ngaahi pisinisi siʻisiʻi ʻo fakalahi mo fakangāueʻi ha kau ngāue foʻou, ʻo fakangāueʻi ha toko 788 talu mei he vela ʻo e vaotaá.
• Naʻe fakahā ʻe he lahi taha ʻo e ngaahi pisinisi Lahaina ʻenau fakaʻamu ke nau nofo pē ʻi Maui Hihifo, ʻo fakamamafaʻi ʻa e fie maʻu ke ʻi ai ha ngaahi ʻōfisi ʻoku lava ke maʻu mo ha ngaahi ʻātakai lelei ki he ngaahi ngāue ʻa e pisinisí.

Na’e vahevahe foki ‘e he ngaahi pisinisi ‘a e ngaahi fakakaukau ki he ngaahi kaveinga kehekehe ‘o kamata mei he ngaahi lisi fakakomesiale, tokoni fakapa’anga, tukuhau, fakamaketi, fetu’utaki, ngaahi langa fakalakalaka mo e toe langa.

Na’e fakamālō ‘a Luana Mahi, ko e talēkita ‘o e OED, ki he ngaahi pisinisi ‘i he’enau kau mai ki he saveá. “Ko ha mahalo loto-māfana ki he ngaahi pisinisi naʻa nau tokoni ki he savea mahuʻinga ko ʻeni ʻa e Maui Health Check,” ko ʻene leá ia. “Kuo toe fakafōtunga ʻe he ngaahi vela ʻo e vaotaá ʻa e ngaahi ngāue ʻa e ngaahi pisinisi fakalotofonua lahi, pea ʻoku mahuʻinga ʻaupito ʻa e ngaahi savea hangē ko ʻení ke tokoniʻi ʻa e kau maʻu ʻinasi ʻi he Vahefonuá mo e komiunitií ke nau maʻu ha mahino lelei ange ki he uesia ʻe hokó. Ko hono ‘ilo’i ‘o e ngaahi fiema’u lolotonga ‘a ‘etau ngaahi pisinisi pea talitali lelei ‘enau ngaahi fakakaukau ki he ngaahi solova’anga ‘e ala hoko ko e ngaahi sitepu mahu’inga ia ki hono fakalakalaka ‘o e ngaahi feinga fakaakeake ‘a hotau motu he taimi ni pea ‘i he kaha’u.”

Ki ha ngaahi ma'u'anga tokoni lahi ange 'o e OED ki he ngaahi pisinisi fakalotofonua, 'a'ahi ki he uepisaiti 'a e Vahefonua www.mauinuistrong.info .