‘E to’o ‘a e ngaahi ‘ā ‘o e Vahefonua Maui ‘i he taimi ‘e toe fakaava ai ‘e he Potungāue Fefononga’aki ‘a Hauai’i ‘a ‘ene fetaulaki’anga ‘i he Halalahi Honoapi’ilani mo e ngata’anga fakatokelau ‘o e Hala Mu’a ‘i he taimi 11 pongipongi ‘o e ‘aho ni, Fepueli 26, 2025, ‘o fakatatau ki he fakamatala ‘a e ‘Ofisi Fakaakeake ‘o e Vahefonua.

Naʻe fakahā ʻe he siteití ʻi he ʻaho Tusite ʻe kamata ngāue ʻa e fakaʻilonga ʻo e halá ʻi he taimi 11 pongipongi ʻo e ʻaho ní.

Kaekehe, ‘e kei tāpuni pē ‘a e Hala Fleming ‘i he tafa’aki mauka ‘o e fetaulaki’angá koe’uhí ko e hokohoko atu ‘a e ngāue ki he laine ‘o e suá ki he ngaahi poloseki langa fale fakataimi.

Pea ‘e kei tu’u pe ‘a e ngaahi ‘ā mo e ngaahi faka’ilonga “ ‘Oua ‘e Hu” ‘oku fakangatangata ai ‘a e hū ‘a e kakai ki he ngaahi konga lahi ‘o e Lahaina fakakomesiale koe’uhi ko e ngaahi fakatu’utamaki ki he malu ‘i he hokohoko atu ‘a e langa mo e faka’auha.

ʻOku kole atu ʻe he Potungāue Puleʻi Fakavavevave ʻo Maui ke fakaʻehiʻehi e kakai ʻo e koló mo e kau ʻaʻahí mei heʻenau hū ki he ngaahi feituʻu ʻoku ʻikai malu pea mei he kolosi pe tauʻanga meʻalele ʻi ha ngaahi konga kelekele fakatāutaha, neongo ʻoku ʻikai ha ngaahi langa ʻoku ʻi ai.

‘Oku fakalotolahi’i atu ‘a e kau ma’u ‘api ‘oku nau siofi ‘a e kakai ‘oku nau luelue ‘i he’enau ngaahi ‘api pe tu’u ‘i honau ngaahi ‘api ke nau lipooti ‘a e maumau lao ki he laine ‘ikai fakavavevave ‘a e Potungaue Polisi ‘a Maui ‘i he (808) 244-6400.

Ki ha fakamatala ki he ngaahi fakangatangata ʻo e kolo ko Lahaina mo e fakaakeaké, ʻaʻahi ki he uepisaiti ʻa e Maui Recovers ʻa e Vahefonuá ʻi he www.mauirecovers.org .

‍