‘Oku fakaafe’i atu ‘a e kakai ‘o e kolo ke mou kau mai ki he Faka’ali’ali Mateuteu Fakavavevave ‘a e Potungāue Pule’i Fakavavevave ‘a Maui (MEMA) ‘i he Tokonaki, ‘aho 12 ‘o ‘Epeleli, 2025, mei he taimi 10 pongipongi ki he taimi 2 efiafi ‘i he Senita Kuini Ka’ahumanu ‘i Kahului.

Ko e polokalama ta’etotongi ko ‘eni ‘e ‘i ai ‘a e kau lea faka’ilo, ngaahi ma’u’anga tokoni fakakomiuniti pea mo e kau mai mei he ngaahi kautaha hoa ngaue fakalotofonua ‘oku laka hake he 30. ‘E ma’u ‘e he kau ma’u fakataha ‘a e faingamalie ke nau ako ‘a e ngaahi founga mahu’inga ki he mateuteu ki he fakatamaki, fetu’utaki mo e ngaahi kautaha fakalotofonua pea lesisita ki he ngaahi pale mo e ngaahi foaki ta’etotongi.

‘Oku fakahoko fakataha mo e Māhina ‘o e ‘Ilo ki he Sunami, ‘oku fakakaveinga ‘a e faka‘ali‘alí ko e “Teuteu Ma‘u Pē, Mālohi Fakataha: Langa ha Maui Nui ‘oku Tu‘u-Ma‘u.”

“ʻOku mahuʻinga ʻaupito ʻa e mateuteu ki he ngaahi meʻa fakatuʻupakē ʻi he Vahefonua Mauí, ʻa ia ʻe lava ʻe he mateuteu ki he ngaahi meʻa taʻeʻamanekina ʻo fakasiʻisiʻi lahi ʻa e ngaahi fakatuʻutāmakí mo fakasiʻisiʻi ʻa e ngaahi maumaú,” ko e lau ia ʻa ʻĒmosi Lonokailua-Hewett, ko e Pule ʻo e MEMA. “ʻOku kei tukupā pē ʻemau timi foʻou kuo fokotuʻú ke poupouʻi ʻa e komiunitií ʻi he mateuteú, tali mo e tuʻumālie —he ʻoku mau mālohi fakataha.Ko e meʻa ko ʻení, ʻi he fengāueʻaki mo e ngaahi potungāue fakalotofonuá, ko ha faingamālie mahuʻinga ia ke fakanaunau ʻa e kakai ʻo e koló ʻaki ha ngaahi meʻangāue mahuʻinga ke nau nofo malu ai.”

'E 'i ai 'a e kau ngaue 'a e MEMA ke tokoni ki he ngaahi fakamo'oni hingoa ki he MEMA Alert.

Ki ha fakamatala lahi ange, ʻaʻahi ki he uepisaiti ʻa e MEMA ʻi he www.mauicounty.gov/MEMA pe telefoni ki he (808) 270-7285.