Ko e kakai ʻo e ngaahi fonua ʻo e Freely Associated States, ʻoku ʻiloa fakataha ko e kakai ʻo e COFA, ʻa ia naʻe uesia honau ngaahi nofoʻanga tefito ʻi Maui ʻe he vela ʻo e vaotā ʻi ʻAokosí mo e matangi mālohí, ʻe lava ke nau kole tokoni he taimí ni ki he fakatamaki ʻa e FEMA.

Naʻe toki fakamoʻoni hingoa ʻa Palesiteni Biden ke hoko ko ha lao ʻa e Lao Fakatonutonu ʻo e Ngaahi Kautaha Tauʻatāiná ʻo e 2024, ʻo fakalahi atu ʻa e ngaahi monūʻia fakafederal ki he kakai ʻo e COFA ʻa ia naʻe ʻikai ke nau taau kimuʻa ke kole tokoni mei he FEMA, kau ai ʻa e ngaahi tokoni. ‘Oku kau ‘iate kinautolu ‘a e kau tangata‘ifonua ‘o e Lepupilika ‘o Palaú, ko e Ngaahi Pule‘anga Fakatahataha ‘o Maikolonisiá mo e Lepupilika ‘o e ‘Otu Motu Māsoló.

Naʻe fakaava ʻa e vahaʻataimi kole fakatamaki ʻa e FEMA ʻi he ʻaho Mōnite, ʻaho 1 ʻo ʻEpelelí, ki he kakai pē ʻo e COFA naʻa nau nofo fakalao ʻi he ʻIunaiteti Siteití pea ʻoku ʻi ai ʻenau ʻapi tefito ʻi Maui naʻe uesia ʻe he vela ʻo e vaotaá. ‘Oku tāpuni ‘a e matapā ‘o e tohi kole ki he kakai ‘o e COFA ‘i he Falaite, ‘aho 31 ‘o Mē.

Ke kole, ‘e lava ke telefoni ‘a e kakai ‘o e COFA ki he fika 808-784-1952 pe ‘a’ahi ki he Senitā Fakaakeake mei he Fakatamaki ‘a Lahaina ‘i he Fale Fakamalohisino ‘o e Senitā Sivi ‘i he Halalahi 1840 Honoapi’ilani. Ko e ngaahi laine telefoní mo e houa ngāue ʻo e senitā fakaakeaké ko e 8 pongipongi ki he 4 efiafi HST Mōnite ki he Falaité; 8 pongipongi ki he 2 efiafi HST Tokonaki; tāpuni ʻi he Sāpaté.

Tatau ai pē pe ʻoku kole ʻa e kau tangataʻi fonua ʻo e COFA ʻi he telefoní pe ʻi he Senitā Fakaakeake mei he Fakatamakí, ʻoku ʻi ai ha kau fakaʻuhinga lea ke tokoniʻi ʻa e kau kole ʻi he lea ʻoku nau saiʻia aí, kau ai ʻa e lea faka-Māsolá, faka-Suuké, faka-Kosilīá, faka-Palauá, faka-Kaloliniá, faka-Kamoló mo e lea fakaʻilonga ʻa ʻAmeliká.

‘Oku ‘i ai foki mo e kau mataotao ‘a e FEMA ki he Tokoni ki he Kau Hao mei he Fakatamaki ‘i Maui ke tokoni ki he kakai ‘o e COFA ke nau kole tokoni mei he FEMA.

‍