Ti County of Maui ket agsapsapul kadagiti makinkukua iti 21 nga intact vehicles nga agdama a natengngel iti maysa a County lot. Dagitoy a 21 a lugan ket naikkat manipud iti sona ti didigra para iti panagrang-ay ti panagdalus kadagiti rugit, ken naibilang a maisalakan maibatay iti langada a bassit wenno awan ti makita a makinruar a pannakadadael ti lugan. Awan ti warranty ti County maipapan iti kasasaad ti aniaman kadagitoy a lugan.

Malaksid no i-claim dagitoy dagiti makinkukua, maibelleng dagiti lugan inton Abril 1, 2024, segun iti County of Maui Environmental Protection & Sustainability, Abandoned Vehicles & Metals (EPS/AVM) Section.

Mabalin a kitaen dagiti makinkukua ti luganda sakbay nga ikeddengda no kayatda nga i-claim ti lugan wenno kiddawenda a mai-scrap dayta nga awan ti magastos iti makinkukua. Mabalin a maala dagiti sanikua manipud iti uneg ti lugan; saan a kasapulan ti kaadda ti titulo ti lugan. Kasapulan ti County EPS/AVM Section a pasingkedan ti kinasiasino ti maysa a makinkukua tapno masigurado a maitunos daytoy iti nagan iti titulo a naibatay kadagiti rekord ti County Division of Motor Vehicles & Licensing.

Naguyod dagiti lugan iti maysa a storage yard. No ti makinkukua iti lugan ket saan a makiuman iti opisina ti Maui County Abandoned Vehicles, maiguyod ti lugan iti Hammerhead Metals inton Abril 1, 2024 tapno mai-scrap. Dagiti makinkukua a kayatda ti ag-claim kadagiti lugan ket masapul nga umawag iti (808) 270-6102 sakbay ti Marso 31, 2024.

Mabalin met nga umawag dagiti makinkukua iti lugan iti Abandoned Vehicles Office iti (808) 270-6102 nga addaan kadagiti saludsod wenno tapno pagsaritaanda dagiti tignay a maaramid.

Kaaduan kadagiti intact/not-burned vehicles manipud kadagiti public roadways iti burn zone ket nabaybay-an iti lugarda. Daytoy a listaan ket mangiraman kadagiti kakaisuna a lugan a kasapulan a nasapsapa a mayakar gapu ti pannakaikkat dagiti rugit, ken adda pay laeng iti ikut ti Kondado:

Para iti ad-adu pay nga impormasion, bisitaen ti www.mauirecovers.org/damagedvehicles .